jelu siga ba borneo

Borneo Munsang buah sawit (Palm Civet)

Bisi ditemu diserata hutan babas borneo


Musang (borneo palm civet) tauka disebut orang "Munsang buah sawit" siku jelu siga ke diau ba pun kayu, warna celum tang bisi ga bekengkang ba tubuh. Munsang jenis baka tu endang udah popular laban mayuh ditupi kena orang ngadu ka KOPI LUWAK. Munsang enda keluar maya siangari tang keluar maya malam ari dalam masa 6 petang ngagai 4 dini ari. Lebuh malam ari,jelu munsang begiga ke utai empa ba atas kayu tang selalu mega keluar ke tanah, selalu di temu lebuh maya musim buah bebunga enggau musim buah mansau. Pemakai jelu tu ianya bermacam buah,bunga kayu enggau kadang-kadang daging burung enti kelalu lapar. Idup ba semua kawasan hutan hujan ba serata dunya borneo, semenanjung malaysia enggau bisi ditemu ba menua asia ke lain . Munsang tu hidup dalam jangka umur 10 sampai 20 tahun.

Pelanduk

Pelanduk siku jelu ti pintar kena ko dalam ensera dulu kelia, pelanduk mouse deer mayuh di temu lebuh maya malam ari ba dalam kampung tauka enda jauh ari rumah. Tubuh jelu tu endang sigi enda besai enggau pemerat tubuh mina 5 ngagai 10 kilo, jenis ke kelalu mit iyanya kemayang panas. pemanjai tubuh 70 ngagai 75 cm, utai empa pelanduk start ari buah buan, buah ubi,serta mayuh utai ke bukai. Pelanduk mayuh amai ditemu di serata menua malaysia,di borneo, pelanduk mayuh jenis ari ke mit, ke biasa tang ti ke besai dikumbai orang pelanduk tampin. 

Landak

Landak endang siku jelu ti amai pintar ti diau ba lubang batu, lubang tanah., endang ukai mudah nangkap jelu ke bisi bulu beduri tajam tu, sigi ukai sebarang jelu. perangai landak baka jelu jelu siga ke bukai sigi endang keluar lebuh maya malam ngiga utai empa, selalu dipeda ba ladang sawit bisi ga dipeda ba pun rian laban landak tu sigi amai kuat makai buah rian.  Cara enti ka nemu bekau buah empa landak tu sigi amai enda pedis laban landak muka buah baka buah rian umbang ya sigi tepambur tauka tekusai nadai temu gaya agi. Dipecaya landak ulih idup kira kira paling lama 27 taun.
Pemakai landak ianya bermacam-macam buah enggau keluar lebuh maya malam ari.  Mayuh orang takut ke jelu tu laban takut enggai ke kena sumpit.  Kenu ko orang, bulu landak ti celum ba tengah tengah bisi racun ti amat bebisa. 

Babi

Wild Boar ba inglish, Endang ukai sebarang jelu ti dalam bangsa iban,ukai semina urang,antu gerasi pan begaiga ke jelu tu. Babi endang selu digiga ba babas di puak-puak kampong. Babi amai siga ti diau ba sungai selalu melangkan ba span paya enggau ba bukit dalam ba jaku bukai "babi babas". Ti ba gambar di atas nya, ukai antu kara tang raja singa ti nerekam babi babas nyangka kelalu lapar. Utai empa babi endang seberang ari kulit kayu ngaggai bangkai jelu. Babi idup beraban-raban tang jarang idup kediri tang ti idup kediri disebut orang "babi tunggal" jenis ke besai tubuh ari babi bergban. Dijangka idup sampai 10,15, 20 tahun.

Makup(Jugam)

Makup tauka jugam enggau ba bahasa inglish "sun bear" siko jelu ti besai warna celum ti amai kuat bekerumbak ke tanah ngigga bala sarang indu utai. Makup diau ba pucuk kayu ke tinggi 2-7 meter enggau ba tanah. Makup sigi jelu ke kuat ari jelu-jelu ke bukai enggau pemerat tubuh 50 kg - 60kg tang taja baka nyo, iya siga alah ti ngelaban remaong tauka engkuli raja kampong puang.
Utai empa makup tu ianya daun-daun babas, upa kayu, kulit kayu, madu enggau daging jelu bukai. Umur makup dijangka
25 tahun- 27 tahun.

Engkuli

Engkuli (Sunda Clouded leopard) siku jelu ti paling kaut bebanding ari jelu-jelu ti bisi diserata dunya borneo ti dijaga ketat perintah tauka wildlife. Enda ulih dialah ke penguat enggau pengering jelu tu semina remaong aja ti ulih ngelaban iya. Pemerat tubuh lebih kira 11kg - 23kg serta  ulih idup 11 tahun - 17 tahun. Diau ba tanah enggau ba pucuk kayu besai ba kampong puang,endang sigi kuat betangkap ke jelu-jelu siga ba babas enggau ulih mudah melompat 1,3 meter peninggi.
Bisi dua macam engkuli,bisi jenis bekengkang ka ba gambar tu enggau jenis lain ianya warna celum keretum. Nadai mayuh urang berani betemu enggau jelu tu ba babas, enti betumu pan sigi lari.

Rimau

Meda pan nyau udah lari, Rimau(Remaong)siko jelu ti amai kelalu kuat setengah antu setengah jelu kenu ko cerita dulu kelia. Remaong sigi jarang di peda di dalam kampong laban ia ka kelalu balat endar mayuh pantang larang anang agi ti dicabar nyau munuh diri ti encabar iya tu tang cerita baka tu semina bisi ba borneo aja laban mayuh orang ke engkaji pecaya enti jelu rimau nadai kala bisi ditemu idup ba babas borneo.
Remaong idup ba tanah enda ulih niki pun kayu ti tinggi enggau idup ba lubang batu ke bisi bukit-bukit ti tinggi. Nadai jelu ulih ngelaban iya tu. Bisi cerita iya tu ngalah ke baya belaban ngelaban baya ba dalam ai. Kebuah baya nyau alah laban kuku rimau tu panjai, nakal nyelam serta rimau bisi gigi taring panjai 6 inci.
kenu ko ba cerita dunia ba situ tempat ba india, siku remaong ti amai kelalu gagas disebut orang man eater nyau bebunuh ke lebih 200 iko mensia lebuh maya malam ari, nyentuk ke sari tu nadai temu penungga kini enda remaong nya lari laban ke di asu bala orang putih .

Munsang melayan

Dijangka ulih idup sampai 20 tahun. Enda sebaka enggau perangai munsang buah sawit, Munsang melayan (malay civet) jenis spesis munsang ke diau ba tanah tajapan jarang jarang niki pun kayu, bisi iko ti panjai, warna putih bekengkang ba rekung serta tubuh besurik warna putih celum enggau pemerat dalam 4.5 kg . Keluar ngasu lebuh malam ari. Munsang tu makai indu utai, tupai, tikus, utai utai idup ba sebelah sungai, ular, burung, telu, engkatak enggau utai idup ke mit mit kebukai. Habitat alai munsang malayan tu diau sigi diau enda milih endur baka sebelah madang pun sawit, hutan mit /besai ba tisi sunggai enggau babas ke ditebang orang. Agi mayuh munsang tu ditemu ba alam babas tajapan selalu ditimbak bala mesia ke ngasu.

Bengkang (slow loris)

Tu siko jelu ke bernama benkang tauka disebut ba bahasa inglish ianya "slow loris" diau ba pucuk kayu ti tinggi. Bengkang bejalai sigi kelalu amai lubah nyau baka tekura, keluar lebuh maya malam ari. pemakai ia tu sigi makai buah kayu,indu utai,telu,burung mit,engkarung serta bunga-buaga buah. Taja pan lubah amai bejalai jelu bengkang tu bisi ngeli ti tajam baka lunga, ulih ngasuh jari masuk hopital enti kena gigit iya tu. Ulah jelu tu lain amai sigi baka semawa,nunsang ke diri ti pekakai ke utai ba pucuk kayu.Jelu bengkang ulih ditemu ba serata menua Asia ba hutan tropika, dijangka pemerat jelu tu kira-kira 2-3kg serta ulih idup sampai 20 tahun.

Baya

Baya inya sejenis reptiles ka agi bisi idup ari zaman dinasour dulu kelia, siku jelu ke diau ba dalam ai ti cukup kuat dikumbai orang "raja ai" laban ke sigi enda ulih dialah ke bala utai ke diau ba ai. Taja pan enda talah ke pemesai baya-baya ke bisi ba dunya bukai baka baya sungai nil afrika, baya ba borneo siku tauka dikumbai orang jenis ke pemadu ganas nyau udah famous/terkenal laban selalu bebenuh ke mensia nya alai wildlife ke nyaga jelu ngasuh munuh baya tu. Tekan ditu▷(Gambar baya paling besai ba dunya ti ngalah ke pemesai baya bujang senang)
Disebut orang "salt water crocodile" Baya borneo sigi makai bala jelu, ikan, ketam, burung tang kekeadang mensia. Pemerat baya borneo sigi diangar ke lebih kurang 150-300kg serta dijangka pemanjai umur lebih ari 100 tahun.

Ringin

Borneo ringin iyanya sigi jenis ringin ke paling mit ba dunya semina 5kg, bebanding ari ringin-ringin ke bukai ke bisi diau ba babas disebut orang ba bahasa english "Orintel small-clawed-otter" bisi ga idup ba tempat asia lain baka ba indonesia,semenanjung malaysia,india,philippins,thailand,vietnam enggau mayuh agi tempat bukai. Ringin mayauh diau ba ia-ai sungai berasu ke ikan serta ketam enggau undang ngena kuku ti tajam lebih ari ngena mulut, jenis jelu tu amai kelalu nakal nyelam dalam ai. Diau ba lubang kayu tauka lubang tanah,ringin keluar beraban nyerang ikan ba sungai lebuh maya malam ari start ari pukul 7 sampai 5 pagi tang mayuh ga ari jelu spesis tu keluar maya siang,ulih ditemu ba telaga hutan,ba paya, sungai mit, sungai besai enggau ba babas bukit. Umur spesis tu 11-16 tahun.

Menarat

Disebut orang Monitor Lizard ba jaku english enggau ba bahasa melayu "biawak" siku reptile ke amai kuat bepakai ke sampah-sarap ti nebuk lubang tanah ba tebing ai sungai. Idup ba paya tauka ba babas, menarat ukai semina makai sampah tang mega makai telu burung, makai anak jelu serta makai utai idup ke mati digelar orang "bansa cicak ke ganas". Menarat kekadang makai telu baya ba pasir. Jelu menarat tu mayauh macam jenis iyanya varalus, empagusia, euorepiosourus, odatria, papusaurus enggau soterosaurus. Tubuh menarat sigi panjai, ulih niki pun kayu ngena kuku ti tajam. Menarat ngiga utai empa enda milih malam enggau siang, selalu nyelam ai sungai ngiga ikan enggau ketam ti ba dalam babas serta iyatu bisi kulit ti belikau ba semua tubuh lalu bisi iku ti panjai. Spesis tu ulih ditemu ba mayuh tempat asia.

Tikus Malam

Red Spiny Rat ba bahasa orang putih, jenis tikus ke diau babas Borneo serta diau ba seluruh kawasan asia dalam hutan tropika tauka hutan hujan katulistiwa. Tubuh mit bewarna merah kelabu tang wildlife madah ke tikus tu makai indu utai enggau sayur babas. Tikus jenis tu endang bejalai maya malam ari nya alai ya tu dikumbai orang tikus malam. Pemanjai tubuh tikus tu 20cm ulih dikelala ari tikus-tikus ke bukai laban iya tu bebulu warna kelabu-orange enggau warna merah orange serta bewarna putih ba perut. Tikus malam ditemu ba southern china, burma, thailand, myanmar, vietnam ,semenanjung malaysia, hutan borneo, java indonesia enggau dipelabaka orang udah pupus ba pulau singapore.

Jelu Mayau

Kucing Hutan, leopard cat, tauka jelu mayau ditemu enggau diau ba babas ti enda besai,jenis karnivor makai daging bisi ditemu diau ba sebelah ladang sawit serta mega idup ba tebing-tebing sungai. Mayau Hutan tu enda ulih ditangkap, ditupi tauka dijual laban jelu tu dijaga perintah enggai ka spesis tu nyau abis pupus. Mayau tu begiga ke utai empa lebuh maya siang tauka malam ari, ngasu jelu tikus, indu utai, ikan, tupai enda milih ba pun kayu tauka ba darat. Orang wildlife pecaya utai empa mayau tu 90%peratus iyanya tikus tauka tupai. Sama baka spesis jelu mayau ke bukai, spesis mayau tu sigi sikar/landik lebuh maya ba atas pun kayu . Saiz jelu mayau tu kira-kira kurang lebih sebaka enggau mayau ke ditupi orang ba rumah tang kaki aya tu ka lebih mimit panjai ari mayau biasa. Jelu mayau tu dipelabaka ulih idup dalam kurang lebih 15 tahun.

Ringin munsang (otter civet)

Ringin Munsang (berat sampai 5kg) ti bisi iku ke kepul enda entu panjai iyanya Sepesis ringin ke ditemu ba hutan hujan borneo temasuk thailand enggau indonesia disebut orang ringin munsang laban tubuh ya tu ke nyau ka sebaka baka munsang. Sigi jarang dipeda dalam babas, ringin baka tu dipelabaka terancam pupus laban babas ke alai jelu tu diau nyau majak mimit semimit laban ke selalu ditebang bala mensia nya ngasuh ringin baka tu nyau majak pedis ngiga pemakai. Kebuah bukai babas ti alai ya diau diganti alai betanam ke ladang sawit, nadai bukti ti nunjukka kebuah ringin tu nyau kurang laban ti di asu tauka di bunuh. Ringin baka tu mayuh ngulih ke pemakai sigi selalu ba ai sungai ari ke ba darat baka makai bala ikan, gerama, tekuyung tang enti sebelah darat iyanya burung, jelu mit enggau lain lain ke bukai. Penyelidik pecaya ringin munsang sigi enda entu laju nyemerai enda baka ringin ke biasa tang ya tu engkejuk tauka niti batang batang kayu nyerang utai empa ba sebelah ai sungai.

---

⇠⇠ Terjun ngagai blog lain

---